Eguberrietarako “EGUESIBAR, IBAR MAGIKOA, GABONETAN” kanpaina prestatu du Eguesibarreko Udalak
Eguberrietarako “EGUESIBAR, IBAR MAGIKOA, GABONETAN” kanpaina prestatu du Eguesibarreko Udalak. Bertan, publiko guztiarentzako kultura-eskaintza zabal eta askotarikoaz gozatu ahal izango da, eta herriko denda guzti-guztiak aktiboki bultzatu nahi dira. Edizio honetan, jardueren gaia markatuko duen haria magia izango da.
Udalak abenduaren 3an emango dio hasiera Eguberri egunari, argiak piztuz eta “Eguzkia sartzen denean, magia agertuko da” izeneko ikuskizunarekin. Hitzaurre gisa balioko du eta dantza, zirkuko arteak, malabareak suarekin eta LED argiak izango ditu, Harana argiztatuko den eta su artifizialak jaurtiko diren unearekin amaituko dena.
Hilaren hondarrean eta urtarrilaren hasieran, jarduerek eta ikuskizunek orain arte inoiz izan ez den fluxu konstantea izango dute, askotariko 21 ekitaldi batuko baitira. Argiak pizten hasi ondoren, Eguberrietako egunik berezienak iritsi arte itxaron beharko da, eta, abenduaren 14an, jarduerak berraktibatuko dira Denboraren Bankuko XIII. Trukerako Azokarekin. Azoka horretan hainbat objektu bilduko dira, eta objektu bakoitza gehienez ere 10 tiketa batekin trukatu ahal izango da.
Felix Garrido Errehabilitazio Psikosozialeko Zentroak jendearen opariak doan eta maitasun handiz biltzen dituen “Ilusioak biltzen” jarduera klasikoaren ondoren, Olentzeroren kabalgata iritsiko da azkenik, abenduaren 23an. Segizio horretan, Olentzero eta Maridomingi Sarrigurenera iritsiko dira Badostaindik, herriko hainbat kaletan zehar ilusioa pasatuz. Gainera, pertsona guztien gozamena bermatzeko, inklusioa bermatuko duten espazioak gordeko dira. Ondoren, ibilbidea amaitu ondoren, nahi duten haurrek beren gutunak entregatzeko aukera izango dute.
Bailara girotzeko musika eta kantua etengabeak izango dira Eguesibarreko Koru Kontzertuari eta Gabon Kanten Errondari esker, abenduaren 23an eta 27an, hurrenez hurren. Eguesibarreko kaleetako beste konstante bat magia izango da, txoko bakoitzean egongo dena: “En Busca del Truco Robado”, Luminis magoarekin; “Magia de la Mente”, mentalista ospetsuenetako batekin, Toni Brightekin, hain zuzen ere, abenduaren 26an; Magia Poteoa, Asier Kidamekin, abenduaren 27an; Triciclo Magiko Ibiltaria kaleetan zehar eta Haurrentzako Magia Tailerra, bi emanaldiak abenduaren 28an… eta askoz gehiago!
Ikus daitekeenez, oraingo honetan Eguesibarreko Udalak arreta berezia jarri du pertsona guztiak pozik uzteko, haien gustuak edo adina edozein izanik ere; izan ere, eskaintza askotarikoa da: Artisau Azoka klasiko bat abenduaren 23an, eta “Laser Tag Star Wars” izeneko taldekako joko berritzaile bat urtarrilaren 3an.
Horrela, bada, Eguesibarreko Udalak dei egiten die bertako bizilagunei eta interesa duten pertsona guztiei gonbidatuak senti daitezen udalerrira hurbiltzera eta gerturatzen ari diren egun berezietan egingo diren jardueretan parte hartzera.
