Eguesibarko Udalak ‘EGÜÉSBRICK’ ekimena zabalduko du maiatzean, Lego bidez tokiko merkataritza sustatzeko
34 saltokik egin dute bat kanpainarekin, eta, gainera, Espainiako Lego eraikuntzako 8 elkarteek parte hartuko dute lehen aldiz.
Udalak herriko merkataritza sustatzeko ekintza bat antolatu du maiatzean, EgüésBrick. Ekintza honetan Legoko eraikuntzak erakutsiko dira, bailarako 34 saltokien erakusleihoak erabiliz.
Estatu osoko Lego eraikuntzen 8 elkarte bilduko dira lehen aldiz erakusketa egiteko. Gainera, aire zabalean egiten den mota horretako lehen topaketa da, eta gure ibarra izango da Lego mundurako hain garrantzitsua den mugarri honen eszenatokia, DiscoverBricks enpresarekin elkarlanean antolatzen ari dena.
Ekintza honen bidez, Udalak bailarako dendak hobeto ezagutzera animatu nahi ditu herritarrak. Horretarako, 3.000 liburuxka banatuko dira, gainditu beharreko probekin. Gainditzen dutenen artean hainbat sari zozketatuko dira.
3 erakusketa Udalak apirilaren 19tik 24ra bitartean antolatu dituen tailerretatik aterako dira. Lego eraikuntzen tailer inklusiboa nabarmentzen da. Jarduera horretan 14 haurrek hartuko dute parte, eta horietako 7 adingabeak izango dira, behar bereziak dituztenak. Horrela, inklusioa sustatzea eta Legoa mundu guztiarentzat eskuragarri dagoela ikustea lortuko da. Horrez gain, bi tailer antolatu dira, bat sortzailea eta bestea familientzako, zeinetan 4 urtetik beherakoek parte hartu ahal izango duten.
