Familia erantzukidetasunari buruzko tailerra FAZen
Datorren abuztuaren 30ean, asteartea, 18:00etan, gurasoentzako familia-erantzukidetasunaren tailerra egingo da: “Ez da egitea bakarrik, pentsatzea ere bada”. Familiaren zaintzarako eta bizikidetzarako zereginen banaketan aintzat hartu behar denari buruzko hausnarketa bilatzen duen tailerra FAZen (Familien Arretarako Zentroa) egingo da, Urbasa kaleko 129an (Sarriguren).
Tailerra bikoteei edo elkarrekin bizi diren pertsona helduei zuzenduta dago (hobe bikoteka, baina ez da ezinbestekoa). Hau da, pertsonek banaka ere eman dezakete izena.
Inskripzioak doakoak dira, eta igualdadberdintasuna@egues.es helbide elektronikoaren bidez formalizatu behar dira. Gaian, “Erantzukidetasuneko tailerrean izen ematea” jarri behar da, eta parte-hartzaileen izen-abizenak, posta elektronikoa eta telefonoa mezuan. Izena emateko azken eguna: abuztuak 25, osteguna, 23:00etan izango da. Plazak emateko orduan izena emateko hurrenkera hartuko da kontuan, eta lehentasuna izango dute erroldatutako pertsonek.
Halaber, emailean adierazi behar da familiaren atsedenerako baliabidea erabili nahi den ala ez. Tailerrak irauten duen bitartean, 1 eta 10 urte bitarteko haurrak zaintzeko baliabidea erabilgarri egongo da. Kasu horretan, adierazi, halaber, adingabearen izen-abizenak eta adina abuztuaren 21a baino lehen, igandea baino lehen, zerbitzua lehenbailehen antolatu ahal izateko. Atsedenerako baliabide hori eskainiko da, betiere gutxienez 5 adingabe apuntatuta badaude.
Jardueraren bidez, bereizi egin nahi dira zereginak egitea eta ardura elkarrekin hartzea, erantzukizuna partekatzea. Nola egin familiako kide guztiek elkarri babesa eta bultzada eman diezaioten? Zatozte esperientziak partekatzera eta familiaren erantzunkidetasuna hobetzen lagunduko dizueten baliabideak ikastera.
Tailer hau irailaren 22an, osteguna, errepikatuko da ordutegi berean eta izena emateko baldintza berberekin.
