Udal-eraikinen berritze eta egokitzapenera bideratutako Enplegu Tailerra
Eguesibarko Udalak udal-eraikinen berritze eta egokitzera bideratutako Enplegu Tailerra jarri du martxan.
Tailerrean 12 ikaslek parte hartzen dute, eta 9 hilabetetan zehar, formakuntza eta lanbide-praktika tartekatuko dituzte: igeltserotza, azulejatzearen lana, elektrizitatea eta iturgintza arloetan.
Tailerra Eguesen hasi da, udaletxe zaharreko eraikinean, non gizarte-obraren zati bat bideratuko den berrikuntza eta egokitzapen lanetara, ekintzaileentzako erabilera eta espazio berriak sortzeko.
Urriaren 16an, asteazkena, Xuriñe Peñas alkatesak, Amaya Bengoecheak (Nafar Lansareren Lanbide Gaitasunen Garapen Zerbitzuko zuzendaria) eta Juan Luis Garciak (CNAIko gerentea) tailerraren egoitza bisitatu dute, udal-korporazioko kideekin eta teknikari batzuekin batera. Bertan, ikasleak eta hasitako lanen egoera ezagutzeko aukera izan dute.
Proiektuak Nafar Lansareren 213.596,78 euroko dirulaguntza jaso du.
